Here is the beginning of my post. .

تولۇق ئوقۇش

blogbusنىڭ راي بېتىدە ئارامگاھ ئەپەندىم باشىلىغان <<باشقىلارنىڭ بلوگ سۇپىسى ياخشىمۇ ئۇيغۇرلارنىڭ بلوگ سۇپىسىمۇ؟>> دېگەن تېمىدىكى راي پائالىيىتى ئېلىپ بېرىلىۋاتىدۇ. مەن تۇنجى كۈنى كىرىپلا << قايسى ياخشى بولسا شۇنى ئىشلىتىمەن >> دېگەن تۈرنى تاللاپ قويغان ئىدىم،قارىسام ماڭا ئوخشاش تاللىغانلار كۆپ قىسىمنى ئېگەللەيدىكەن .( مىلادى 2008-يىل 11-ئاينىڭ 15-كۈنى ئۈرۈمچى ۋاقتى 08:55 ئۆتكەندىكى نەتىجە تۆۋەندىكىدەك:

تولۇق ئوقۇش

Google Map تىن ئالتۇن مېدالغىچە

Google Map ۋە Googl Earth ئەترتىنىڭ بلوگى بولغان Google LatLong بلوگىدا خەۋەر قىلىنىشىچە، 2008-يىللىق بېيجىڭ ئولىمپىك مۇسابقىسىنىڭ ئاياللارنىڭ تاشيولدا ۋېلىسپىت مېنىش يەككە تۈر مۇسابىقىسدە چىمىيون بولغان ئامېرىكىلىق تەنھەرىكەتچى Kristin Armstrong(كرىستىن ئارمستروڭ) يۇقارقى بلوگدا يازما ئېلان قىلىپ:<< مەن بۇ ئالتۇن مېدالنى Googl Earth نىڭ ياردىمى ئاستىدا قولغا كەلتۈردۇم>> دېدى.

ئۇنىڭ يېزىشىچە، ئۇ ۋە ئۇنىڭ مەشقاۋۇلى(تېرىنېرى) 2007-يىلى 12-ئايدىلا بېيجىڭغا كېلىپ، ماسلىشىش مەشىقىنى باشلىغان بولۇپ، مۇشۇ جەرياندا ئولىمپىك مۇسابىقىسىنىڭ ئۆزى قاتناشماقچى بولغان مۇسابىقە يولىغا ۋە بېيجىڭنىڭ ھاۋا شارائىتىغا ئائىت بىرىنچى قول ماتېرىياللارنى توپلىغان.

ئالاھىدە يېرى شۇكى، كرىستىن ئېرىنىڭ تەشەببۇسى بىلەن بىر كىچىك GPS ئۇسكۈنىسىنى يېنىغا ئېلىۋالغان بولۇپ، ئۇ ئارقىلىق مۇسابىقە لېنىيسىنىڭ بىرىنچى قول ئېگىزلىك ئۇچۇرلىرىنى توپلىغان. ئۇ مۇنداق دەيدۇ:<< ئۆيگە قايتىپ كەلگەندىن كېيىن، مەن توپلىغان ئۇچۇرلارنى Googl Earth قا كىرگۈزدۈم. شۇنىڭ بىلەن مەن Googl Earth ئارقىلىق ھەقىقىىي مۇسابىقە يولىنى كۆزىتىلەيدىغان بولدۇم، شۇ ئارقىلىق بېيجىڭغا بارماي تۇرۇپمۇ ھەقىقىي يولدا مەشىق قىلغاندەك مەشىق قىلالايدىغان بولدۇم. بۇ مېنىڭ كېيىن ئالتۇن مېدال ئېلىشىمغا كۆپ ياردەم قىلدى>>.

ئەسىلى مەنبە:http://google-latlong.blogspot.com/2008/08/from-google-maps-to-gold-medal.html

خەنزۇتىلىدىكى ئالاقىدار ماقالە:http://www.williamlong.info/archives/1477.html

تولۇق ئوقۇش

html دىن 10 كۈنلۈك مەشىق(4)

تور بەتتە جەدۋەل ئىشلىتىش(داۋامى)
بىز ئالدىنقى مەشىقىمىزدە تور بەت يۈزىدە ئاددىي جەدۋەللەرنى ئىشلىتىشنى ئۆگەنگەن ئىدۇق. بىراق سىناپ باققانلار بىلىدۇكى، ئالدىنقى مەشىقتىكى پارامېتىرلار جەدۋەلنى تېخىمۇ كۆركەم قىلىشقا، تېخىمۇ مۇرەككەپ قۇرۇلمىلارنى ئىپادە قىلىشقا كۇپايە قىلمايدۇ ( مەسىلەن، سولدىكى رەسىمدىكىدەك جەدۋەلنى).
شۇڭا بۇ مەشىقىمىزدە بىز داۋاملىق جەدۋەل توغرىلىق توختىلىمىز.
1.cellspacing ۋەcellpadding پارامېتىرلىرى
بۇ پارامېتىرلار table بەلگىسى ئىچىگە يېزىلىدۇ. cellspacing پارامېتىرى جەدۋەلدىكى ھەر قايسى كاتەكچىلەرنىڭ ئارىلىقىنى بەلگىلەيدۇ. بۇ پارامېتىر سانلىق قىممەت ئالدىغان بولۇپ، سانلىق قىممەت قانچە چوڭ بولسا كاتەكچىلەرنىڭ ئارىلىقىمۇ شۇنچە چوڭ بولىدۇ. تۆۋەندىكى رەسىمدىكى ئاق جاي دەل كاتەكچىلەرنىڭ ئارىلىقىنى كۆرسىتىدۇ.
cellpadding پارامېتىرى كاتەكچە ئىچىدىكى مەزمۇن بىلەن كاتەكچە چىگرىسىنىڭ ئارىلىقىنى بەلگىلەيدۇ( تۆۋەندىكى رەسىمدىكى كۆك ئارىلىق). بۇ پارامېتىرمۇ سانلىق قىممەت ئالدىغان بولۇپ، سانلىق قىممەت قانچە چوڭ بولسا ئارىلىقمۇ شۇنچە چوڭ بولىدۇ.

colspan.2 ۋەrowspan پارامېتىرى
بۇ پارمېتىرلار td بەلگىسىنىڭ ئىچىگە يېزىلىدىغان بولۇپ، كاتەكچىنىڭ قانچە قۇر ياكى قانچە ستون ئاتلايدىغانلىقىنى بەلگىلەيدۇ. ھەر ئىككى پارامېتىر سانلىق قىممەت ئالىدىغان بولۇپ، سانلىق قىممەت ئاتلاپ كېتىدىغان قۇر ياكى ستون سانىنى بىلدۈرىدۇ. colspan پارامېتىرى ئاتلاپ كېتىدىغان ستون سانىنى بەلگىلەيدۇ، rowspan پارامېتىرى ئاتلايدىغان قۇر سانىنى بەلگىلەيدۇ.

تۆۋەندىكى كودلارنى ئىجرا قىلىپ كۆرۈڭ!

<TABLE BORDER="2" CELLPADDING="4">
<TR>
<Td ROWSPAN="2 " BGCOLOR="pink">test</Td>
<TD>test</TD>
</TR>
<TR>
<TD>test</TD>
</TR>
</TABLE>

<TABLE BORDER="2" CELLPADDING="4">
<TR bgcolor="green"><td colspan="3">Title</td></tr>
<tr><td>test</td> <td>test</td> <td>test</td> </tr>
</TABLE>

شۇنداق قىلىپ جەدۋەلگە ئائىت سۆزلەيدىغانلىرىمىز بىرەر قۇر تۈگەپ قالدى.ئەمدى تاپشۇرۇق ئىشلەپ بېقىڭ.
تاپشۇرۇق: رەسمدىكىدەك بىر تور بەت ياساڭ!
پايدىلىنىش كودى بۇ يەردە!

تولۇق ئوقۇش

تېما ماۋزۇسىنىڭ چوڭ- كىچىكلىكىنى ئۆزگەرتىش

تېما ماۋزۇسىنىڭ چوڭ- كىچىكلىكى ئادەتتە بلوگ ئۇسلۇبىنىڭ CSS قىسمىدا بەلگىلەنگەن بولۇپ، تۆۋەندە تېما ماۋزۇسىنىڭ چوڭ- كىچىكلىكىنى خالىغانچە ئۆزگەرتىش ئۇسۇلىنى تونۇشتۇرىمىز.

ئادەتتە تېما ماۋزۇسىنىڭ ئۇسلۇبى بلوگ ئارقا سەھنىسىدىكى تۆۋەندىكى كودلار ئارقىلىق بەلگىلەنگەن بولىدۇ:
#posts .postHeader h2 {font-size:20px; margin-top:4px;}
بۇنىڭدىكى font-size دېگىنى خەت چوڭلىقى دېگەنلىك بولۇپ، كەينىدىكى سانلىق قىممەتنى مۇۋاپىق ئۆزگەرتىش ئارقىلىق تېما ماۋزۇسىنىڭ چوڭلىقىنى ئۆزگەرتكىلى بولىدۇ. مەسىلەن، ھازىر مېنىڭ بلوگىمدىكى تېما ماۋزۇسىنىڭ چوڭلىقى 20px، ئەگەر چوڭلاتماقچى بولسام ئاۋۇ 20 نى چوڭلاتساملا بولىدۇ. ناۋادا كىچىكلەتمەكچى بولسام ئەلۋەتتە ئەكسىچە قىلىمەن!
دىققەت:
بەزى ئۇسلۇبلاردىكى كودنىڭ شەكلى ئوخشىماسلىقى مۇمكىن،بەزىلىرىدە خەت چوڭلىقى نىسبەت بويىچە بەلگىلەنگەن، ،مەسىلەن130%دېگەندەك، سىز مۇشۇ نىسبەت قىممەتنى مۇناسىپ ئۆزگەرتىپ قويسىڭىز ياكى ئۇنى سانلىق قىممەتكە مەسىلەن 25px دېگەندەك ئۆزگەرتىپ قويسىڭىز بولىدۇ!
ئارتۇق گەپ:
ھەرقانداق بىر جايدىكى خەت چوڭلىقىنى ئۆزگەرتمەكچى بولسڭىىز مۇشۇ ئۇسۇل بويىچە قىلسىڭىز بولىدۇ. يەنى font-size نىڭ قىممىتىنى مۇۋاپىق ئۆزگەرتىپ قويىسىز.
تولۇق ئوقۇش